Prompt:

صهيل الروح ما بين لحظه شروق الشمس وغروبها نهار تانى بيشرق من حروف اسمك وبين البدر وخسوفه وبين خوفه من العتمه اللى ممكن ترسمه دايره ومكتملتش خيوط النور بتغزل من عنيك سكه لبدر جديد وبين موسيقى البحر ف كتابتى وبين قلمى اللى اول مره يعصانى ف لحظه لما اجبرنه على النسيان وعاد تانى يصالحنى ف لحظه لما طمنته على وجودك لقيته فار كما التنور ف اشواقه وهات يا كتابه عن حبك وبين ضحكه فراش عارف بان العمر متحدد بورد حزين بشوفك تقلب الموازين بحبك من تاريخ غايب عن الاذهان ومش جايز ف تدوينه بحبك ليه وامتى وفين متسالنيش لكنه جوه فى قلبى جنين عمال بيتكون وسبحانه اللى من سواه ف تكوينه مفيش الا انت قدامى فطمن نفسك الحيرانه صدقنى بحبك صهد وبيخرج من الكلمات يدفينى فى ليل البرد وساعة لما اتجنن واعمل جرد ع الدقات الاقى القلب بيعانى انا اللى خايفه تنسانى ولو قررت تعملها هيبقى فيها اعدامى واقولك ايه ومش عارفين بان السكه مقفوله عليك وحدك وانك كل احلامى وطبعا مش بامكانى اكون زيك لكن حبك ينور ضيه قدامى ما بين لحظه شروق الشمس وغروبها نهار تانى