Prompt:

منِينْ جِبْنَا القَسْوَا منِين الشَّرّْ.. وْلَبْسِينُو كِسْوَا وْصَابِتْنَا النّسْوَا وْنْسِينَا رَبّ العَالِي وْمْشِينَا فِي طْرِيقْ ظْلَامْ وْقْلُوبْنَا عَاشِتْ عَتْمَا وِالدُّنْيَا غَرَّتْنَا، عَيْشِتْنَا الأَوْهَامْ وَاللهْ غَرَّتْنَا ضَايْعِينْ فِي طْرِيقْ آخْرُو عَذَابْ طْرِيقْ جَهَنَّمْ مَحْلُولْ البَابْ النَّفْسْ غلبْتْنَا حْسَبْنَاهْ طْرِيقْ يوصَلْ لِ سعَادا طْلَعْ سَرَابْ.. وَاللهْ يَا خِيبْتْنَا طْرِيقْ الشَّرّْ طْرِيقْ خَرَابْ النَّجَاةْ وَاللهْ فِي التَّوْبَةْ وْيِتْبَدَّلْ الظْلَامْ بِنُورْ وِالحُزْنْ.. يُوَلِّي فَرْحَةْ وْسُرُورْ بِرْجُوعْ لِلّٰه الغَفُورْ طْرِيقْ الخِيرْ طْرِيقْ الرَّحْمَة نُورْ يْنَجِّينَا فِي يُومْ الزَّحْمَة يَا رَبِّي ارْضَى عَلِينَا وَاللهْ طْرِيقْ الحَرَامْ طْرِيقْ مَسْدُودْ يُوصَلْ لِلْهَلَاكْ وْمَا يْفِيدِكْ وَاللهْ اللِّي مْعَاكْ لَا تْفِيدِكْ سُلْطَةْ وْلَا جَاهْ فِي الآخِرَةْ مَا تْقُولْ عْلَاهْ يْفِيدِكْ كَانْ فِعْلِكْ يَا سَامِعْ وْرَحْمَةْ رَبّ العَالمين بَابْ الرَّحْمَةْ مِفْتَاحُو التَّوْبَةْ تُوبْ لِرَبِّي.. فَاشْ تِسْتَنَّى قَبِلْ مَا يْفُوتْ يْفُوتْ وْيُوَلِّي نَدَم وَقْتْهَا لَا رْجُوعْ حَتَّى فِي الحُلُمْ وَاللهْ دُنْيَا فَانِيَةْ أَمَا غَرَّتْنَا بْزِينَتْهَا اللِّي مَاهِيشْ دَايْمَةْ.. خْدَعِتْنَا مَشَّاتْنَا فِي طْرِيقْهَا.. ضَرَّتْنَا وَالله دنيا عْزُوزَةْ مْزَيِّنْهَا الشَّيْطَانْ مَا فِيهَا أَمَانْ غَدَّارَةْ، طْرِيقْهَا عَفَنْ.. كْثُرْ عَلِيهْ الذّبَّانْ غَدَّارَةْ مَا فِيهَا أَمَانْ وْحْيَاتْنَا فِيهَا أَيَّامْ مَعْدُودَةْ. . تِتْعَدّْ عْلَى صْوَابِعْ فَلَا تِتِّبِعْهَا يَا طَامِعْ آخِرْتْنَا جُثَثْ مَمْدُودَةْ وْيِصَلُّوا عَلِينَا فِي جَامِعْ آآآهْ.. إِنْ شَاءَ اللهْ رَبِّي يِهْدِينَا وْيْنَجِّينَا مِنْ عَذَابْ النَّارْ