Prompt:

مالك يا دنيا ومالك يا زمان ظلمتي هاد المخلوق وهاد الإنسان مطعون بطعنة جابت لي التمام كانت شمتة ومحنة هاتشي حرام فالغبينة مخنوق ودمي محروق المخلوق عايش محروم من الحقوق مكوي ودمي سخون وسط العروق واش مكتابي مصير حلمي مسروق حياتي صعيبة في عذاب وحرمان الايام عطاتني بالظهر هذا شر زمان مضيوم وضاقت بي الدنيا والنفس صاحي ليالي ومابقيت نقدر النعس حاس براسي مغدور وبقيت خسران. ضايع في عالم النسيان في خبر كان كانت في لساني كلمة دابا تزيان الحقيقة كانت كذبة مشيت فيها غلطان باغي نعرف اللي بيه مسموح. باغي نعرف اللي بيه ما مسموح علاش عدمتي كل حلمة وطموح خليتي هاد المخلوق مليوح باغي نعرف اللي بيه مسموح. باغي نعرف اللي بيه ما مسموح عطيني شي تفسير مشروح. يفاجي القلب ويداوي الجروح الغبينة و القمعة على راسي مطبوعة الشمتة في هاذ الحياة المقطوعة الوقت غادة تجري والخدمة بدون محزون في هاد الحياة مغبون العيشة مرار والأيام مخدوعة طرقان حفاري والعقبات متبوعة بين الذياب وبين السبوعة عيشة الذل والأرزاق منزوعة المخلوق كيف كان وكيف ولا غدر بيه الزمان و بيه يلعب ويتفلا ضربة العديان والظرف قاسي حتا حاجة مابقات عندو تحلا لمن يشكي وكل واحد يعيط أراسي لمن يوصل صوتو و يلغي هاد البلا فين هو هاد الحق وحكم الميزان فين حق المخلوق وحق هاد الإنسان باغي نعرف اللي بيه مسموح. باغي نعرف اللي بيه ما مسموح علاش عدمتي كل حلمة وطموح خليتي هاد المخلوق مليوح باغي نعرف اللي بيه مسموح. باغي نعرف اللي بيه ما مسموح عطي شي تفسير مشروح. يفاجي القلب ويداوي الجروح خيبة أمل ونهاية كل حلمة. موت كل ماكان عندو شان في القمة. العين بكات ودرفات قطرات الدمعة على الحرمان اللي مسح الضحكةو البسمة لداخل مرهوب ومرعوب عايش الصدمة منين تحول هداك النور لظلمة عتمة موت كل رغبة. وكل حلمة وأمنية صعابت العيشة في ظروف قاسية الوجه المعبوس والحال المدبول كابوس طير العقل ولا مخبول راح و راح كل الخير كان نعمة منين تسدو كل البواب بلا رحمة صافي تزرع الخوف في هاد الجوف بلاما تقول هادي حياة وهادي ظروف الزهر قدامي مبخر بلاما تقول حتا كلمة. بلاما تقول هدا راه النصيب و القسمة. باغي نعرف اللي بيه مسموح. باغي نعرف اللي بيه ما مسموح علاش عدمتي كل حلمة وطموح خليتي هاد المخلوق مليوح باغي نعرف اللي بيه مسموح. باغي نعرف اللي بيه ما مسموح عطي شي تفسير مشروح. يفاجي القلب ويداوي الجروح نخمم ونخمم ولابسني الهم مابقيت نفرق بين الحقيقة و الوهم وخا عندي العقل و عندي الفهم. واعي بكلشي و عايق بالملعوب ظلم. راني مدمر وحاس بروحي متعوب عارف راسي في هاد اللعبة مغلوب مليت و باغي رتاح ونتيق بالكذوب. وخا نشوف قدامي بزاف العيوب مليت و راسي عمر بالأفكار مرهونة مكبوتة وفي الجوف ديالي مسجونة في القلب راها من الأسرار المكنونة خايف منها وحاس بها تكون مجنونة عندي بها حدس تكون أفكار مسمومة تكون سباب في شي نهاية محتومة. تكون سباب غيابي من العالم والكون نغيب ونخلي هاد الزمان الملعون. باغي نعرف اللي بيه مسموح. باغي نعرف اللي بيه ما مسموح علاش عدمتي كل حلمة وطموح خليتي هاد المخلوق مليوح باغي نعرف اللي بيه مسموح. باغي نعرف اللي بيه ما مسموح عطي شي تفسير مشروح. يفاجي القلب ويداوي الجروح أنا مخلوق اللي في هاد العيشة مظغوط. أنا المخلوق اللي في الركنة مربوط أنا المخلوق اللي مغلول بدون شروط أنا المخلوق اللي محكوم عليه بالهبوط أنا المخلوق اللي الطموح منو تسلب أنا المخلوق اللي داب وراب وتغلب أنا المخلوق اللي بقا في بلاصتو يضرب أنا المخلوق اللي عيا ما يقلب ويجرب أنا المخلوق اللي على راسو كان يكدب أنا المخلوق اللي فشل ويعيا وتعب أنا المخلوق اللي مغير حالو ومعدب أنا المخلوق اللي باغي ينفاجر ويصب أنا المخلوق اللي الحقوق عندو مخفية أنا المخلوق اللي حياتو لعبة وتسلية أنا المخلوق اللي حصل في التصفية أنا المخلوق اللي عليه الأقدار الكونية